Çimərlik voleybolu üzrə Azərbaycan klubları iki beynəlxalq yarışda iştirak edəcək
Bakı, 28 sentyabr, AZƏRTAC
Çimərlik voleybolu üzrə Azərbaycan klubları beynəlxalq yarışda iştirak etmək üçün Türkiyəyə yola düşüb.
Federasiyadan AZƏRTAC-a verilən məlumata görə, voleybolçular ilk olaraq 29 sentyabr - 1 oktyabr tarixlərində Mersində təşkil olunacaq “Bioderma Pro Beach Tour” açıq çempionatında qüvvəsini sınayacaq.
Bu yarışda ölkəni bir qadın (“Azərreyl”) və iki kişi komandası (“MUROV AZ TERMİNAL-1”, “MUROV AZ TERMİNAL-2”) təmsil edəcək.
Daha sonra Azərbaycan təmsilçiləri Balıkesirdə keçiriləcək CEV klublararası Avropa Kubokunda (Beach Volley European Cup) mübarizə aparacaqlar. Turnirdə "Azərreyl" və "MUROV AZ TERMİNAL" komandaları yarışacaqlar.
Oyunlar 5-8 oktyabr tarixlərində baş tutacaq.
Bölmənin digər xəbərləri
