Bakı, 28 sentyabr, AZƏRTAC

“Bir kəmər, bir yol” təşəbbüsü üzərində birgə fəaliyyət durmadan irəliləyir. Bununla yanaşı, humanitar və mədəni sahələrdə əməkdaşlıq inkişaf edir.

AZƏRTAC xəbər verir ki, bu fikirləri Çinin Azərbaycandakı səfiri xanım Quo Min sentyabrın 28-də ölkəsinin milli bayramı - Çin Xalq Respublikasının yaradılmasının 74-cü ildönümü münasibətilə keçirilən tədbirdə səsləndirib.

İkitərəfli ticarət və investisiya üzrə əməkdaşlığın genişlənməkdə olduğunu söyləyən səfir deyib: "Çin tərəfi Azərbaycanla əlaqələrinin daha da inkişafına kömək etmək və yeni dövrdə ortaq taleyi olan Çin-Azərbaycan icmasının birgə qurulması üçün Azərbaycan Hökumətinin və cəmiyyətin bütün təbəqələrinin dost nümayəndələri ilə işləməyə davam etməyə hazırdır”.