ÇİN KOSMİK GƏMİSİNİ ASTEROİDƏ DOĞRU GÖNDƏRMƏK QƏRARINA GƏLİB

19.09.2006 [16:59]
Çap et
A⁺ A^-

AZƏRTAC İTAR-TASS-a istinadla xəbər verir ki, Çin asteroidləri öyrənmək üçün yaxın gələcəkdə kosmik gəmi yaratmaq niyyətindədir. Milli Elm və Texnika Assosiasiyasının hər il keçirilən konfransında bu barədə danışılmışdır.

Çin aerokosmik elm və sənaye korporasiyasının adı çəkilməyən eksperti bildirmişdir ki, asteroidlərin və kometlərin öyrənilməsi vəzifəsi Çinin kosmik proqramına daxildir. Güman olunur ki, Çin gəmisi asteroidin səthinə enəcək, yaxud da bundan əvvəl təxminən NASA mütəxəssislərinin “Deep İmpact” proqramı üzrə etdikləri kimi, kiçik planeti xüsusi zondla “bombalayacaqdır”.

Hazırda çinli kosmonavtlar “Şençjou” seriyalı gəmilərdə iki orbital uçuş keçirmişlər.