COP29-un nigeriyalı iştirakçısı: Burada iştirak etdiyim üçün özümü çox şanslı hiss edirəm
Bakı, 22 noyabr, AZƏRTAC
“COP29-da qurulan pavilyonlar heyrətamizdir. Azərbaycan pavilyonu da möhtəşəmdir. Burada iştirak etdiyim üçün özümü çox şanslı hiss edirəm”.
Bu fikirləri AZƏRTAC-a açıqlamasında COP29-un nigeriyalı iştirakçısı Nafatali Akudun bildirib.
“Mən Nigeriyadanam. Biz təşkilatlara və bizneslərə Ətraf mühit, Sosial və İdarəetmə (ESG) strategiyalarını inkişaf etdirməkdə kömək edirik. Bildiyiniz kimi, Afrika qlobal emissiyanın 3 faizdən azını buraxır. Qitə olaraq daha az emissiya edirik və bu, davamlı şəkildə fəaliyyət göstərmək üçün imkan yaradır. Lakin enerji çatışmazlığı, tullantıların idarə edilməsi və digər problemlərimiz var. Bizi dəstəkləməyə və bu problemləri həll etmək üçün birgə çalışmağa çağırırıq,” - deyə Nafatali Akudun vurğulayıb.
Bölmənin digər xəbərləri
