DAMA ÜZRƏ AZƏRBAYCAN ÇEMPİONATI KEÇİRİLİR
Bakı, 12 yanvar (AZƏRTAC). Respublika Şahmat Mərkəzində kişilər və qadınlar arasında 64 xanalı dama üzrə Azərbaycan çempionatında 6 tur keçirilib.
14 damaçının iştirak etdiyi kişilərin yarışında 12 mümkün xaldan 10 xalla Elşən Zeynalov birinci, Pərviz Həsənov və Ələm Əkbərov 9 xalla ikinci-üçüncü yerləri bölüşürlər.
10 qadın damaçının iştirak etdiyi turnirdə isə Vəfa Qəmbərova 12 mümkün xaldan 12 xal toplayaraq birinci, 10 xalla Leyla Nəcəfova ikinci, 8 xalla Arzu İsrafilova isə üçüncü yerləri tutmuşlar.
Kişilərin yarışına yanvarın 18-i, qadınların turnirinə isə yanvarın 16-i yekun vurulacaqdır.
Bölmənin digər xəbərləri
