Daniel Herşkovitz: Prezident seçkilərində şəffaflıq, seçicilərin hüquqları və məxfilik tam təmin olunub
Bakı, 11 aprel, AZƏRTAC
Mən Azərbaycanda keçirilən prezident seçkilərində səsvermənin gedişi prosesindən çox məmnunam. Prezident seçkilərində şəffaflıq, seçicilərin hüquqları və məxfilik tam təmin olunub.
Bu sözləri aprelin 11-də AZƏRTAC-a müsahibəsində İsrailin keçmiş elm və texnologiya naziri Daniel Herşkovitz deyib.
Seçkilərin yüksək səviyyədə təşkil olunduğunu söyləyən israilli ekspert izlədiyi səsvermə prosesindən məmnun qaldığını qeyd edib.
Bakıya ikinci dəfə səfər etdiyini bildirən Daniel Herşkovitz ötən səfərindən keçən müddətdə Azərbaycanda gedən sürətli dəyişiklərdən heyran qaldığını vurğulayaraq bildirib: “İsrail Prezidenti Şimon Peresin Azərbaycana səfəri zamanı nümayəndə heyətinin tərkibində mən də iştirak etmişəm. Azərbaycan sürətlə inkişaf edən gənc müstəqil ölkədir. Müstəqillik yaşınızın cəmi 26 il olduğunu nəzərə alsaq, nailiyyətləriniz çox böyükdür. İsrail ilə Azərbaycan arasındakı əlaqələr çox yaxşıdır. Ölkənizin güclü potensialı var".
Bölmənin digər xəbərləri
