DAŞKƏSƏN RAYONUNUN RABİTƏ SİSTEMİNDƏ BƏRPA İŞLƏRİ DAVAM ETDİRİLİR
Rabitə və İnformasiya Texnologiyaları Nazirliyinin mətbuat xidmətindən AZƏRTAC-ın müxbirinə bildirmişlər ki, rayonun Canaqlı, Qaraqollar və Alunit qəsəbələrində, həmçinin Xoşbulaq istiqamətində bütün ATS-lərin xətt təsərrüfatı, eləcə də Qaratəpə kəndində televiziya ötürücü stansiyasının, Zəylik kənd ATS-nin, Çovda və Əhmədli poçt şöbələrinin dam örtükləri bərpa edilmişdir.
Rayonun Əhmədli, Dəstəfur, Qaraqollar, Qadaqtəpə və Zəylik kəndlərində işıq olmadığı üçün vətəndaşların telefonları hələlik işləmir. Xoşbulaq kəndində ATS-ə müvəqqəti olaraq, dizel generatoru vasitəsilə enerji verilir.
Rayonda bərpa işləri davam etdirilir.
Bölmənin digər xəbərləri
