“Davam” Gənclər Hərəkatının üzvü beynəlxalq mükafata layiq görülüb
Bakı, 30 iyun, AZƏRTAC
“Davam” Gənclər Hərəkatının İdarə Heyətinin üzvü Sara Rəcəbli sosial aktivist və sosial sahibkarlar üçün təsis olunan “Diana Spenser” mükafatına layiq görülüb.
“Davam” Gənclər Hərəkatından AZƏRTAC-a bildiriblər ki, “Diana Award” 9-25 yaşlarda sosial sahədə fəaliyyət göstərən gənclərə verilən ən prestijli mükafatdır.
Sara Rəcəbli bu mükafatın qalibi olaraq Oksford, Kembric kimi dünyanın ən nüfuzlu universitetlərinin təklif etdiyi təlimlərə və kurslara ödənişsiz qatılmaq hüququ qazanıb. Həmçinin fəaliyyətləri ilə tanınan məşhur gənc liderlərlə eyni şəbəkədə təmsil olunaraq onları tanımaq şansı əldə edib.
Bölmənin digər xəbərləri
