DÇ-2024: Azərbaycanın futzal millisi seçmə mərhələdə növbəti oyununu keçirəcək
Bakı, 11 oktyabr, AZƏRTAC
Futzal üzrə Azərbaycan milli komandası bu gün DÇ-2024-ün elit-raund mərhələsində növbəti oyununu keçirəcək.
AZƏRTAC xəbər verir ki, Vitali Borisovun baş məşqçi olduğu kollektiv Astanada Qazaxıstan yığmasının qonağı olacaq.
“Jekpe Jek” arenasında oynanılacaq qarşılaşma Bakı vaxtı ilə saat 18:00-da başlayacaq. Görüşü Bolqarıstandan olan hakimlər briqadası idarə edəcək.
Qeyd edək ki, A qrupunda mübarizə aparan Azərbaycan millisi üç oyundan sonra 3 xalla üçüncü pillədə qərarlaşıb. Doqquz xalı olan Qazaxıstan isə qrup lideridir.
DÇ-2024, Elit-raund
11 oktyabr
18:00. Qazaxıstan - Azərbaycan
Hakimlər: Trayan Ençev, Kaloyan Kirilov, İvo Tsenov
Hakim-inspektor: Silvo Borosak (Sloveniya)
UEFA nümayəndəsi: Morten Engebretsen
Astana, “Jekpe Jek” arenası.
Xal durumu: Qazaxıstan - 9, Rumıniya - 7, Azərbaycan - 3, Niderland - 1.
Bölmənin digər xəbərləri
