DƏMİRYOLÇULARIN HƏMKARLAR İTTİFAQI KOMİTƏSİNİN PLENUMU KEÇİRİLMİŞDİR
AZƏRTAC-ın müxbiri xəbər verir ki, Azərbaycan Dəmiryolçularının Müstəqil Həmkarlar İttifaqları Respublika Komitəsinin növbəti plenumu keçirilmişdir. Plenumda Dövlət Dəmir Yolu İdarəsinin tabeliyində olan müəssisə və təşkilatlarda Əmək Məcəlləsinin tələblərinin icrası vəziyyəti müzakirə olunmuşdur.
Çıxış edənlər son illər dəmiryolçuların sosial-iqtisadi mənafelərinin müdafiəsi üçün həmkarlar ittifaqlarının gördüyü işlərdən danışmışlar. Qeyd olunmuşdur ki, yerli həmkarlar ittifaqları ayrı-ayrı müəssisə və təşkilatlarda Əmək Məcəlləsinin tələblərinin pozulması hallarının qarşısını almaq məqsədi ilə zəruri tədbirlər görürlər.
Tədbirdə təşkilati və digər cari məsələlər də müzakirə olunmuşdur.
Bölmənin digər xəbərləri
