Deputat: Qanunvericilik və tənzimləmə vasitəsilə məsuliyyətli şəhər davranışları üçün stimullar yaradılmalıdır
Bakı, 20 may, AZƏRTAC
Parlamentlərin rolu böyükdür. Qanunvericilik və tənzimləmə vasitəsilə biz məsuliyyətli şəhər davranışları üçün stimullar yaratmağa, innovasiya və təmiz texnologiyalar tətbiq edən biznesləri dəstəkləməyə, təkrar emalı və davamlı təcrübələri təşviq etməyə, habelə mənzil və icarə qiymətlərinin əlçatan qaldığı balanslaşdırılmış çərçivələr yaratmağa kömək edirik.
AZƏRTAC xəbər verir ki, bunu COP29-un iqlim üzrə yüksəksəviyyəli çempionu, Milli Məclisin deputatı Nigar Arpadarai Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Milli qanunvericilik qlobal mənzil öhdəliklərini real nəticələrə necə çevirə bilər?” mövzusunda parlament üzvlərinin dəyirmi masasında deyib.
"Azərbaycanda şəhərsalmadan danışarkən ölkəmizin daha böyük milli yenidənqurma layihəsini, Qarabağ və Şərqi Zəngəzur bölgələrinin bərpasını qeyd etməmək mümkün deyil. Demək olar ki, 30 illik işğaldan sonra Azərbaycan bu ərazilərə ağıllı texnologiyalar gətirməklə həqiqətən unikal bir layihə həyata keçirir. Biz siyasətçilər özəl sektor da daxil olmaqla, bütün maraqlı tərəflərin texnologiyalar və yeni həllər ilə çıxış edə bilməsi üçün ekosistem yaratmalıyıq", - deyə deputat vurğulayıb.
Bölmənin digər xəbərləri
