“DƏRDİMİZİN QAN RƏNGİ” KİTABININ TƏQDİMATI OLMUŞDUR
Bakı, 24 fevral (AZƏRTAC). Azərbaycan Yazıçılar Birliyinin (AYB) “Natəvan” klubunda şair Ədalət Əsgəroğlunun “Dərdimizin qan rəngi” kitabının təqdimat mərasimi keçirilmişdir.
“525 Kitab” seriyasının xüsusi buraxılışı olan bu nəşr şairin sayca yeddinci kitabıdır. “Yaz ilə gələn sevda”, “Göyçaydan başlayan ömür yolu”, “Mən sənə aşiqəm, dünya!”, “Özüm qürbətdə, gözüm Vətəndə”, “Sabahını itirməyən adamlar”, “Məmləkətim, canım mənim...” kitablarının müəllifi olan Ə.Əsgəroğlunun şeir və poemaları bir çox xarici dillərə tərcümə olunmuş, yaradıcılığı beynəlxalq mükafatlara layiq görülmüşdür.
AYB-in katibləri - xalq şairi Fikrət Qoca və yazıçı Arif Əmrahoğlu Xocalı soyqırımından 17 il keçməsinə baxmayaraq, bu gün də, sabah da bu mövzuda əsərlər yaranacağını, xalqımızın tarixində bu mövzunun “qan” obrazı kimi qalacağını bildirmişlər.
Yazıçı-dramaturq Elçin Hüseynbəyli, ədəbiyyatşünas Vaqif Yusifli, şairlər İlyas Tapdıq, Mahirə Abdulla və digər çıxış edənlər Xocalı faciəsini qanla yazılmış tariximiz kimi bütün dünyaya çatdırmağın vacibliyini söyləmişlər.
Bölmənin digər xəbərləri
