DEVİD BEKHEM DƏ “REAL”A KEÇDİ
İyulun 2-də Devid Bekhem Madridin “Real” futbol komandasının 23 nömrəli yeni oyunçusu kimi təqdim edilmişdir. Bir gün əvvəl o, müqavilə imzalayaraq, öz idman karyerasını dörd il müddətinə “kral” klubu ilə bağlamışdır. İTAR-TASS-dan AZƏRTAC-a daxil olan xəbərə görə, böyük hay-küyə səbəb olmuş mərasimi işıqlandırmaq üçün 500-dən artıq jurnalist akkreditə edilmişdir. Əvvəlcə “Mançestr Yunayted”in keçmiş yarımmüdafiəçisinin mətbuat nümayəndələrinin qarşısına “Real”ın üstündə heç bir nömrə olmayan ağ geyimində çıxacaqı gözlənilirdi. Buna görə də 23 nömrəsi onlar üçün böyük sürpriz olmuşdur. Futbol geyimini Bekhemə “Real”ın fəxri prezidenti Alfredo di Stefano təqdim etmişdir.
Bölmənin digər xəbərləri
