DÖRD YOL-NƏQLİYYAT QƏZASINDA 6 NƏFƏR ÖLMÜŞDÜR

26.09.2006 [17:56]
Çap et
A⁺ A^-

AZƏRTAC xəbər verir ki, Qobu qəsəbəsinin ərazisində Fəxrəddin Əliyev idarə etdiyi “Reno” markalı avtomaşını divara vurmuşdur. Nəticədə F.Əliyev və sərnişinləri - Qobu qəsəbəsinin sakinləri Gülmirzə Dadaşov, Namiq Nəsrullayev hadisə yerində keçinmiş, xəsarət almış Rəşad Şükürov isə xəstəxanaya yerləşdirilmişdir, vəziyyəti ağırdır.

Bakı-Qazax yolunun Abşeron rayonu ərazisindən keçən hissəsində Ağsu rayon sakini Sənan Usubəliyev “VAZ-2106” markalı avtomaşını idarə edərkən, İsmayıllı rayon sakini Ramiz Orucovu vuraraq ölmüşdür.

Qaradağ rayonunun Sahil qəsəbəsi ərazisində Ərzuman Şahsuvarovun idarə etdiyi “VAZ-2106” və Natiq Əliyevin sürdüyü “KamAZ” markalı avtomaşınlar toqquşmuşdur. “Jiquli”dəki Qızılgül Şahsuvarova hadisə yerində dünyasını dəyişmişdir.

Tərtər rayonu ərazisində Ülfət Yusibovun idarə etdiyi “QAZ-53” və Yalçın Əliyevə məxsus “VAZ-21011” markalı avtomaşınların toqquşması isə “Jiquli”nin sürücüsünün ölümünə səbəb olmuşdur.

Faktlarla bağlı cinayət işi açılmışdır, araşdırma aparılır.

DÖRD YOL-NƏQLİYYAT QƏZASINDA 6 NƏFƏR ÖLMÜŞDÜR

MÜƏLLİFLƏ ƏLAQƏ

Bölmənin digər xəbərləri