Dövlət dəstəyi olmadan Macarıstanın otel biznesi çökmək təhlükəsi ilə qarşılaşa bilər
Budapeşt, 22 sentyabr, AZƏRTAC
Gələn ilin aprel-may aylarına qədər turizm pandemiyadan əvvəlki səviyyəsinə qayıtmazsa, Macarıstanın otel sektoru on minlərlə insanı ixtisara salmalı olacaq.
AZƏRTAC xəbər verir ki, bu barədə məlumat Macarıstanın hrportal.hu portalında yer alıb.
Macarıstan Otel və Restoran Assosiasiyası turizm sektorunun başqa bir xilasetmə paketinə ehtiyacı olduğunu bildirib. Məlumdur ki, Budapeşt otel sənayesi üçün sentyabr və oktyabr ən yaxşı aylar olub, lakin bu il belə deyil. Sərhədlərin bağlanması səbəbindən səyahət sənayesi sifarişlərin təxminən 20 faizini itirib, bu isə işçiləri miqdarı azaldılmış əməkhaqqı ilə saxlamaq üçün kifayət edəcəkdi. Lakin qonaqlar yoxdur və bu səbəbdən sektoru ixtisar aparmadan açmaq üçün əlavə dövlət dəstəyi tələb olunur.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
