DÖVLƏT PROQRAMI UĞURLA HƏYATA KEÇİRİLİR

27.09.2006 [18:24]
Çap et
A⁺ A^-

AZƏRTAC xəbər verir ki, sentyabrın 27-də Ailə, Qadın və Uşaq Problemləri üzrə Dövlət Komitəsi Nizami Rayonu İcra Hakimiyyəti ilə birlikdə Azərbaycan Respublikasında dövlət uşaq müəssisələrindən uşaqların ailələrə verilməsi (De-İnstituonalizasiya) və alternativ qayğı Dövlət Proqramı” (2006-2015-ci illər) mövzusunda seminar keçirmişdir. Seminarı Nizami Rayon İcra Hakimiyyətinin başçısı Mehbalı Əliyev açaraq, Dövlət Proqramının reallaşdırılmasına yerli idarəetmə orqanlarının fəal yardım göstərməsinin zərurililiyini qeyd etmiş və bu istiqamətdə bütün lazımi addımların atılacağını bildirmişdir.

Azərbaycan Respublikası Ailə, Qadın və Uşaq Problemləri üzrə Dövlət Komitəsinin, habelə Əmək və Əhalinin Sosial Müdafiəsi Nazirliyinin, digər dövlət qurumlarının nümayəndələri, mütəxəssis və ekspertləri seminarda çıxış edərək, görülən işlər barədə fikir mübadiləsi aparmışlar.

Komitənin sədr müavini Sədaqət Qəhrəmanova müzakirələrə yekun vuraraq, Dövlət Proqramının ölkənin sosial həyatında mühüm rol oynadığını qeyd etmiş və onun uğurla həyata keçirilməsi üçün səylərin əlaqələndirilməsinin vacibliyini vurğulamışdır.

DÖVLƏT PROQRAMI UĞURLA HƏYATA KEÇİRİLİR

MÜƏLLİFLƏ ƏLAQƏ

Bölmənin digər xəbərləri