Doydaqların qorunması üçün beynəlxalq səviyyədə tədbirlər görüləcək
Bakı, 8 fevral, AZƏRTAC
Birləşmiş Millətlər Təşkilatının (BMT) Ərzaq və Kənd Təsərrüfatı Təşkilatı (FAO) dünyada uça bilən ən böyük quş olan doydaqların nəslinin tükənməsinin qarşısını almaq üçün tədbirlər görməyə başlayıb.
AZƏRTAC FAO-ya istinadən xəbər verir ki, ağırlıqları 5-15 kiloqram arasında dəyişən və ziyanverici həşəratlarla qidalandığı üçün “əkinçilərin dostu” adlandırılan doydaqların nəsli tükənmə təhlükəsi ilə üz-üzədir.
Mütəxəssislər kənd təsərrüfatı ərazilərində və çöllərdə yaşamağa üstünlük verən, Beynəlxalq Təbiət Qoruma Birliyinin (IUCN) “Qırmızı Siyahı”sında “həssas” kateqoriyasına daxil edilmiş bu quşların müxtəlif təhlükələrlə qarşılaşdığına diqqət çəkiblər.
FAO Təbiəti Qoruma Mərkəzi və Qlobal Ekologiya Fondu tərəfindən maliyyələşdirilən “Torpaqların davamlı idarə edilməsi və iqlimin dostu kənd təsərrüfatı” layihəsi çərçivəsində antropogen fəaliyyət nəticəsində tükənmək riski ilə qarşılaşan doydaqları qorumaq üçün strategiyalar üzərində işləyir.
Bölmənin digər xəbərləri
