DÜNYA AZƏRBAYCANLILARININ HƏMRƏYLİYİ GÜNÜ TƏNTƏNƏ İLƏ QEYD OLUNUR
AZƏRTAC xəbər verir ki, xarici ölkələrdə yaşayan soydaşlarımız 31 dekabr - Dünya Azərbaycanlılarının Həmrəyliyi günü münasibətilə bayram tədbirləri keçirmişlər.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, Kişinyovda Moldova Azərbaycanlıları Konqresinin və Azərbaycanın bu ölkədəki səfirliyinin təşkilatçılığı ilə geniş bayram şənliyi təşkil olunmuşdur. Tədbirdə diplomatlar, Moldovanın hökumət rəsmiləri və ictimaiyyət nümayəndələri iştirak etmişlər. Rəsmi qəbulla yanaşı, Moldovada yaşayan azərbaycanlı uşaqlar üçün də ayrıca bayram şənliyi keçirilmişdir.
Latviyanın paytaxtı Riqadakı “Klassik” gimnaziyasında “Ocaq” Mədəniyyət Mərkəzi və Azərbaycanın Latviyadakı səfirliyinin təşəbbüsü ilə təşkil olunan bayram şənliyində soydaşlarımızla yanaşı, bu ölkənin rəsmiləri də qatılmışlar. Tədbir konsert proqramı ilə başa çatmışdır.
Bölmənin digər xəbərləri
