Dünya Bankı Ukraynaya 610 milyon dollarlıq yeni yardım paketini təsdiqləyib
Bakı, 21 dekabr, AZƏRTAC
Dünya Bankı Ukraynanın “təcili ehtiyaclarını ödəmək üçün” 610 milyon dollarlıq yeni yardım paketini təsdiqləyib.
AZƏRTAC TASS agentliyinə istinadla xəbər verir ki, bu maliyyə paketi davam edən müharibə şəraitində Ukraynaya kömək və yenidənqurma səylərini gücləndirmək üçün layihələri özündə əks etdirir.
Paket xüsusilə Beynəlxalq Yenidənqurma və İnkişaf Bankı tərəfindən Britaniyanın zəmanəti ilə 500 milyon dollar kreditin verilməsini nəzərdə tutur. Bu vəsait Ukrayna hökumətinə uşaq və ailə müavinətlərinin, dövlət qulluqçularının maaşlarının və kommunal xərclərin ödənilməsi ilə bağlı xərcləri qarşılamağa kömək edəcək.
Bank, həmçinin Ukraynaya səhiyyə xidmətlərinə çıxışın bərpası və yaxşılaşdırılması üçün yeni layihə ilə dəstək verəcək.
Bölmənin digər xəbərləri
