Dünya çempionatı: Azərbaycan cüdo millisi qarışıq komanda yarışında mübarizəni dayandırıb
Bakı, 20 iyun, AZƏRTAC
Macarıstanın paytaxtı Budapeştdə keçirilən cüdo üzrə dünya çempionatında qarışıq komanda yarışlarına start verilib.
AZƏRTAC xəbər verir ki, Azərbaycan millisi 1/8 finalda Almaniya seçməsi ilə üz-üzə gəlib. Yığma rəqibinə 1:4 hesabı ilə məğlub olaraq, mübarizəni dayandırıb.
Yeganə qələbəni 90 kiloqramda mübarizə aparan Zelim Kotsoyev əldə edib.
Yığmanın heyətində Hidayət Heydərov, Rəşid Məmmədəliyev (hər ikisi 73 kiloqram), Elcan Hacıyev, Vüqar Talıbov (hər ikisi 90 kiloqram), Zelim Kotsoyev, Uşanqi Kokauri (hər ikisi +90 kiloqram), Gültac Məmmədəliyeva, Fidan Əlizadə (hər ikisi 57 kiloqram), Aytac Qardaşxanlı (70 kiloqram) və Nigar Süleymanova (+70 kiloqram) yer alıblar.
Qeyd edək ki, Azərbaycan millisi fərdi yarışları üç bürünc medalla başa vurub.
Bölmənin digər xəbərləri
