Dünya çempionatı: Bu gün Azərbaycanın üç cüdoçusu mübarizə aparacaq
Bakı, 6 oktyabr, AZƏRTAC
Portuqaliyanın Odivelas şəhərində gənc cüdoçular arasında keçirilən dünya çempionatı davam edir.
AZƏRTAC xəbər verir ki, fərdi yarışların sonuncu - üçüncü günündə Azərbaycanın 3 cüdoçusu tatamiyə çıxacaq.
Oğlanlar arasında 81 kiloqram çəki dərəcəsində Ömər Rəcəbli, 90 kiloqramda isə Vüqar Talıbov və İsmayıl Zamanov medallar uğrunda mübarizə aparacaqlar.
Görüşlər Bakı vaxtı ilə saat 13:30-da başlayacaq.
Qeyd edək ki, dünya çempionatında daha əvvəl Azərbaycan cüdoçularından Vüsal Qələndərzadə (73 kiloqram) qızıl, Nizami İmranov (60 kiloqram) isə gümüş medal qazanıb.
Bölmənin digər xəbərləri
