DÜNYA MÜLKİ MÜDAFİƏ GÜNÜ İLƏ ƏLAQƏDAR TƏLİM KEÇİRİLMİŞDİR
Nəsimi rayonu ərazisindəki Bakı dəmir yolu stansiyasında keçirilmiş tədbirdə - dəmir yolunda baş verə biləcək yanğının qarşısının alınmasına həsr olunmuş izahat xarakterli təlim-məşqdə iyirmiyədək xilasedici iştirak etmiş, yanğın tez bir zamanda söndürülmüş, şərti xəsarət almış şəxslərə ilk tibbi yardım göstərilmiş və onlar təcili yardım maşınları ilə xəstəxanalara çatdırılmışlar.
Təlimin nəticələrini qənaətbəxş hesab edən Nəsimi Rayon Mülki Müdafiə regional şöbəsinin rəisi, mayor Naiq Əhmədov bildirmişdir ki, baş verə biləcək fövqəladə hadisələr zamanı mühafizə məsələləri günün əsas problemlərindən biridir. Buna görə də təbii fəlakətlər zamanı qəza-xilasetmə tədbirlərini yerinə yetirmək üçün obyektlərdə yaradılmış hərbiləşdirilməmiş mülki müdafiə qüvvələri daim hazır vəziyyətdə olmalıdır.
