Dünya üçüncüsü olan parataekvondoçu: Bu il mən və komandam üçün düşərli oldu
Bakı, 27sentyabr, AZƏRTAC
Çox sevincliyəm. Bu il mən və komandam üçün düşərli oldu. Avropa Paralimpiya Oyunlarında qalib olmuşdum. Bu dəfə isə dünya çempionatında bürünc medal qazandım.
Bu sözləri AZƏRTAC-a açıqlamasında Meksikanın Verakrus ştatında keçirilmiş Qran-pri turniri və dünya çempionatında bürünc medal qazanan Azərbaycan parataekvondoçusu Əbülfəz Abuzərli deyib.
80 kiloqram çəki dərəcəsində mübarizə aparan idmançı yığmanın son iki yarışda çox yaxşı çıxış etdiyini bildirib: Hədəflər çoxdur. Əsas məqsədimiz reytinq xallarımızın sayını artırmaq, “Paris-2024” Yay Paralimpiya Oyunlarında ölkəmizi layiqincə təmsil etməkdir".
Bölmənin digər xəbərləri
