Düşənbədə Müstəqil Dövlətlər Birliyi Baş Prokurorlarının Əlaqələndirmə Şurasının iclası keçirilir

25.09.2014 [16:24]
Çap et
A⁺ A^-

Düşənbə, 25 sentyabr (AZƏRTAC). Tacikistan Respublikası Baş Prokurorluğu mətbuat xidmətinin verdiyi məlumata görə, Düşənbədə Müstəqil Dövlətlər Birliyi (MDB) Baş Prokurorlarının Əlaqələndirmə Şurasının iclası öz işinə başlayıb.

Tədbirdə MDB ölkələrində prokurorluq orqanları sahəsində əməkdaşlıq Proqramının yerinə yetirilməsi, terrorizm, ekstremizm, narkotiklərin qeyri-qanuni dövriyyəsi ilə mübarizə, narkomanlığın qarşısının alınması istiqamətində həyata keçirilən tədbirlər, 2014-2018-ci illərdə insan alveri ilə mübarizə sahəsində görüləcək işlər və digər məsələlər müzakirə olunur.

Əlaqələndirmə Şurasının iclasında, həmçinin korrupsiya ilə mübarizə, insanların hüquqlarının qorunması, cinayətkarlıqla mübarizə sahəsində beynəlxalq müqavilələrin yerinə yetirilməsi məsələləri də diqqət mərkəzində olacaq.

Ümumiyyətlə, Şuranın iclasında 14 məsələ müzakirə ediləcək.

Qulu Kəngərli

AZƏRTAC-ın xüsusi müxbiri

Düşənbə