Edeltraud Guenther: Təkcə iqlimə deyil, həm də şəhər mühitinin sabitliyinin vacibliyinə diqqət yetirilməlidir
Bakı, 22 may, AZƏRTAC
Hamıya məlumdur ki, tikinti sektoru dünyada resursların ən böyük istehlakçılarından və istixana qazlarının ən böyük mənbələrindən biridir. Deməli, əsas dəyişiklik nöqtəsi məhz buradadır. Bu isə o deməkdir ki, biz təkcə iqlimə deyil, həm də şəhər mühitinin sabitliyinin vacibliyinə diqqət yetirməliyik.
AZƏRTAC xəbər verir ki, bunu Birləşmiş Millətlər Universiteti - Material Axınlarının və Resursların İnteqrə olunmuş İdarəedilməsi İnstitutunun (UNU-FLORES) direktoru Edeltraud Guenther Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Resurs səmərəliliyi və davamlılığın kəsişməsində mənzil” mövzusunda tədbirdə deyib.
O bildirib ki, çox vaxt biz yalnız materialların təkrar emal potensialı haqqında düşünürük, lakin birbaşa tullantıların özündən bina inşa etməyi nəzərə almırıq. Yaxud da enerjinin, materialın və maliyyə resurslarının israf olunmasının qarşısını almaq barədə, yəni bütövlükdə resurslara qənaət edilməsi haqqında kifayət qədər düşünmürük. Bu isə o deməkdir ki, biz resursların idarə olunmasını ekoloji amillərlə yanaşı, həm də sosial ölçüyə, yəni insanların, eləcə də şəhər və kənd sakinlərinin həyat qaynaqlarına diqqət yetirərək daha əhatəli bir perspektivdən formalaşdırmalıyıq. Bu yanaşma, eyni zamanda, ədalətlilik prinsipinə riayət etməyi və həqiqətən də uzunmüddətli düşünməyi tələb edir.
Bölmənin digər xəbərləri
