ƏFQAN BAYRAMOV AVROPA ÇEMPİONATINDA “KİÇİK” GÜMÜŞ MEDAL QAZANMIŞDIR
AZƏRTAC xəbər verir ki, Azərbaycan ağırlıqqaldıranı Əfqan Bayramov (69 kq) Strasburqda keçirilən Avropa çempionatında “kiçik” gümüş medal qazanmışdır.
Təkanla qaldırma yarışlarında 177 kiloqram nəticə göstərən azərbaycanlı atlet fransız Vançelas Dabayadan sonra ikinci yeri tutmuşdur. Lakin, yerindən 140 kq ağırlığı qaldıran Ə.Bayramov iki hərəkətin cəmində (317 kq) dördüncü yeri tutmuşdur.
Bu çəki dərəcəsində yarışan digər Azərbaycan idmançısı Asif Məmmədov isə yekun nəticədə 299 kiloqram nəticə göstərərək 20 idmançı arasında 10-cu yerlə kifayətlənmişdir.
Qitə çempionatı aprelin 22-də başa çatacaqdır.
Bölmənin digər xəbərləri
