Əkin sahələrinin becərilməsinə görə verilən subsidiyalar azalıb
Bakı, 25 iyun, AZƏRTAC
Respublika üzrə əkin sahələri 1662,3 min hektar proqnozlaşdırılsa da, faktiki əkin sahəsi 1624,0 min hektar təşkil edib. Bu da 2021-ci ilə nisbətən 20,5 min hektar azdır.
Bu barədə AZƏRTAC-a Hesablama Palatasından bildirilib.
Palatadan verilən məlumata görə, əkin sahələrinin becərilməsinə görə dövlət büdcəsinin vəsaiti hesabına verilmiş əkin subsidiyasının məbləği 2022-ci ildə 246558,4 min manat təşkil edib ki, bu da 2021-ci illə müqayisədə 4,6 faiz azalıb. Azalma əsasən 2022-ci ildə buğda əkin sahəsi üçün verilən subsidiyanın məbləğinin əvvəlki illə müqayisədə 8117,2 min manat azalması, eləcə də əvvəlki 2 ildən fərqli olaraq pambıq və şəkər çuğunduru üzrə əkin subsidiyasının verilməməsi ilə bağlıdır.
Bölmənin digər xəbərləri
