“Ekol Mühəndislik Xidmətləri”nin xidmət sahələrində Neftçilər günü ərəfəsində iməcilik keçirilib
Bakı, 16 sentyabr, AZƏRTAC
Sentyabrın 16-də "Ekol Mühəndislik Xidmətləri" QSC-nin xidmət sahələrində neftçilərin peşə bayramı ərəfəsində iməcilik keçirilib.
QSC-dən AZƏRTAC-a bildirilib ki, iməcilikdə QSC-nin rəhbərliyi və çox saylı kollektivi iştirak edib. İməcilik cəmiyyətin (Heydər Əliyev adına neft emalı zavodunun 9-cu sahəsi) 3,4,5,6-cı sahələrini, xidmət göstərilən SOCAR-ın Ekologiya İdarəsinin Tullantı mərkəzini, Qaz emalı zavodunun, "Azneft" İstehsalat Birliyinin "Abşeronneft", "Bibiheybətneft" və H.Z.Tağıyev adına neft və qazçıxarma idarələrinin (NQCİ) yaşıllaşdırma sahələrini əhatə edib.
İməcilik zamanı bütün xidmət sahələrində təmizlik və abadlıq işləri aparılıb, sahələr tullantılardan və alaq otlardan təmizlənib, yaşıllıqlara aqrotexniki xidmətlər göstərilib.
Bölmənin digər xəbərləri
