Ekvadorda həbsxanada baş verən iğtişaş zamanı 17 nəfər həlak olub
Bakı, 26 sentyabr, AZƏRTAC
Ekvadorun Esmeraldas əyalətində yerləşən həbsxanada baş verən iğtişaş nəticəsində azı 17 nəfər həyatını itirib.
AZƏRTAC xəbər verir ki, “Primicias” nəşrinin Ekvador polisinə istinadla yaydığı məlumata görə, hadisə yerli vaxtla saat 03:00 radələrində cinayətkar qruplar arasında baş vermiş toqquşma nəticəsində baş verib.
Hüquq-mühafizə orqanları həbsxanada başqa qurbanların da ola biləcəyini bildirib.
Sentyabrın 22-də Ekvadorun cənub-qərbində yerləşən digər bir həbsxanada baş verən iğtişaşlar zamanı 14 nəfər ölmüş, 14 nəfər isə yaralanmışdı.
Qeyd edək ki, 2021-ci ilin fevral ayından bəri Ekvador həbsxanalarında müxtəlif cinayətkar qruplar arasında baş verən toqquşmalar nəticəsində təxminən 600 nəfərədək məhbus həyatını itirib.
Bölmənin digər xəbərləri
