Ekvadorda partlayış nəticəsində azı 5 nəfər ölüb, 26 nəfər yaralanıb VİDEO
Bakı, 15 avqust, AZƏRTAC
Ekvadorun liman şəhəri olan Quayakildə baş verən partlayış nəticəsində azı 5 nəfər ölüb, 26 nəfər yaralanıb.
AZƏRTAC xarici KİV-ə istinadla xəbər verir ki, səhər saatlarında baş vermiş hadisə zamanı səkkiz ev və iki avtomobil partladılıb.
Ekvadorun daxili işlər nazirinin sözlərinə görə, bu, silahlı dəstələr tərəfindən hökumətə qarşı müharibənin elan edilməsi deməkdir.
Bu hadisədən sonra Ekvadorun insanların ən sıx məskunlaşdığı Quayakil şəhərində fövqəladə vəziyyət elan edilib. Bu, silahlı dəstələrin zorakılığı səbəbindən Ekvadorda oktyabr ayından bəri elan edilən dördüncü fövqəladə vəziyyətdir.
Bölmənin digər xəbərləri
