Elmi eksperiment çərçivəsində 15 fransız 40 gün mağarada yaşayacaq
Paris, 16 mart, AZƏRTAC
Fransada elmi eksperiment çərçivəsində yaş həddi 29-50 arasında olan 15 könüllü fransız 40 gün ərzində yeraltı mağarada yaşayacaq.
AZƏRTAC xəbər verir ki, elmi missiyanın iştirakçıları 40 gün ərzində saat, telefon və elektrikdən məhrum olacaqlar. Mağaranın dibində gündəlik həyatın asan olmayacağı bildirilir. Temperatur 11℃-dən çox olmayacaq və nəmişlik səviyyəsi maksimum olacaq. Eksperiment könüllüləri bu müddət ərzində su ehtiyaclarını təmin etmək üçün 45 metr dərinlikdən su çıxarmalı olacaqlar. Elmi missiya aprelin 24-də başa çatacaq. Eksperiment iştirakçıları bunu elm naminə etdiklərini bildiriblər.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
