ƏMƏK MƏCƏLLƏSİNƏ VƏ AİLƏ MƏCƏLLƏSİNƏ DƏYİŞİKLİKLƏR EDİLƏCƏKDİR
Milli Məclisin Sosial siyasət daimi komissiyası Azərbaycan Respublikasının Əmək Məcəlləsinin və Ailə Məcəlləsinin monitorinqini aparır. Komissiyanın sədri Hadi Rəcəbli AZƏRTAC-ın müxbirinə demişdir ki, hər iki məcəllədə müəyyən boşluqlar vardır. Bu da vətəndaşlarımız üçün bəzi problemlər yaradır. İnsanların sosial vəziyyətini və maddi rifah halını yaxşılaşdırmaq üçün qanunlarımızın təkmilləşdirilməsinə və bəzi yeni qanunların qəbuluna ehtiyac vardır. Monitorinq yaxın günlərdə başa çatacaq və komissiya müvafiq dövlət və hökumət qurumları ilə birgə həmin qanunlara əlavələr və dəyişikliklər edəcəkdir.
Bölmənin digər xəbərləri
