ENERGETİKLƏRİMİZ MDB ELEKTROENERGETİKA ŞURASININ İCLASINDA İŞTİRAK EDİRLƏR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, SC-nin mərkəzi dispetçer idarəsinin rəisi Nurəli Yusifbəylinin başçılıq etdiyi nümayəndə heyəti mayın 19-dan Sankt-Peterburqda səfərdədir. Energetiklərimiz MDB ölkələrinin Elektroenergetika Şurasının (EŞ) 29-cu iclasında iştirak edirlər.
İclasın gedişində milli enerji sistemlərinin qarşılıqlı fəaliyyətilə bağlı bir sıra mühüm məsələlər üzrə fikir mübadiləsi aparılacaq, ayrı-ayrı proqramlar çərçivəsində əməkdaşlığın perspektivləri müzakirə olunacaqdır. Şuranın üzvləri ötən payız-qış dövründə yerinə yetirdikləri işlərə dair məlumat verəcək, EŞ-in 2005-ci ildə fəaliyyətinə yekun vuracaqlar.
Bölmənin digər xəbərləri
