Ermənilər atəşkəsi pozmaqda davam edirlər
Bakı, 6 noyabr (AZƏRTAC). Ermənistan ordusunun bölmələri noyabrın 5-də və 6-da gecə Ermənistanın Noyemberyan rayonunun Voskepar kəndinin ərazisində yerləşən mövqelərdən Azərbaycan Ordusunun respublikamızın Qazax rayonunun Aşağı Əskipara kəndində yerləşən mövqelərini atəşə tutmuşlar.
Müdafiə Nazirliyinin mətbuat xidmətindən AZƏRTAC-a bildirmişlər ki, ermənilər Azərbaycan Respublikasının Füzuli rayonunun Qaraxanbəyli, Seyidəhmədli, Goranboy rayonunun Tap Qaraqoyunlu, Xocavənd rayonunun Kuropatkino, Tərtər rayonunun Çiləbürt kəndləri yaxınlığında yerləşən mövqelərdən də Azərbaycan Silahlı Qüvvələrinin mövqelərini atəşə tutmuşlar.
Düşmən cavab atəşi ilə susdurulmuşdur.
Bölmənin digər xəbərləri
