ERMƏNİSTAN PRAQA PROSESİNİ POZSA, DANIŞIQLARI DAVAM ETDİRMƏK ÜÇÜN İMKAN QALMAYACAQ
AZƏRTAC-ın verdiyi xəbərə görə, bu fikri Azərbaycan Prezidenti İlham Əliyev Qətərin “Əl-Cəzirə” teleyayım korporasiyasına verdiyi müsahibədə demişdir. Dövlət başçısı “Ermənistan tərəfi son anda həmişə danışıqlardan yayınır” fikrini önə çəkərək bildirmişdir ki, indiki danışıqlar formatı mərhələli həlli nəzərdə tutan Praqa prosesi formatıdır, yəni Ermənistanın işğalçı qüvvələrinin ərazilərimizdən çıxarılmasını, Dağlıq Qarabağın statusunun müzakirə edilməsini və təhlükəsizliyi möhkəmlətmək sistemini, habelə sülhyaratma əməliyyatını nəzərdə tutur. Onun sözlərinə görə, əgər o, erməni tərəfinin qeyri-konstruktiv mövqeyi ilə pozulsa, onda nə Minsk qrupu həmsədrlərinin, nə də münaqişə tərəflərinin danışıqları davam etdirmək üçün daha imkanları, sadəcə, qalmayacaqdır.
Bölmənin digər xəbərləri
