Ermənistanda həqiqi hərbi xidmətdən yayınan gənclərin sayı artır
Tbilisi, 12 may, AZƏRTAC
“Ermənistanda gənclər həqiqi hərbi xidmətdən yayınırlar. Onlar hərbi xidmətə getməmək üçün bu ölkə vətəndaşlığından belə imtina edirlər”.
AZƏRTAC xəbər verir ki, bu bəyanatla Ermənistanın hakim “Vətəndaş müqaviləsi” partiyasından olan deputat Hayk Sərkisyan çıxış edib.
Onun sözlərinə görə, həqiqi hərbi xidmətə çağırılmamaq üçün Ermənistan vətəndaşlığından imtina edənlərin sayı ilbəil artır. Statistik məlumatları da təqdim edən deputat deyib: “2020-2024-cü illər ərzində 8 min 721 vətəndaş 18 yaşına çatmamış Ermənistan vətəndaşlığından çıxıb. Gənclərin böyük əksəriyyəti də 27 yaşının tamam olmasını (həqiqi hərbi xidmət üçün son yaş həddi) gözləyirlər ki, məcburi hərbi xidmətə getməsinlər”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
