Ermənistanda koronavirusa yoluxanların sayı sürətlə artır
Tbilisi, 26 iyun, AZƏRTAC
Ermənistanda “COVID-19” virusuna yoluxanların sayında rekord göstərici qeydə alınıb. Son 24 saat ərzində Ermənistanda daha 759 nəfərdə koronavirus aşkarlanıb.
AZƏRTAC xəbər verir ki, bu barədə Ermənistan Səhiyyə Nazirliyi məlumat yayıb.
Bildirilir ki, ölkədə koronavirus xəstələrinin sayı 23 min 247 nəfərə yüksəlib. Son sutka ərzində daha 13 nəfər pandemiyanın qurbanı olub. Bununla da Ermənistanda koronavirusdan ölənlərin sayı 410 nəfərə çatıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
