Şuşa, 19 dekabr, Elmir Səftərov, AZƏRTAC

Ermənistanın mina terroru qurbanlarının yaxınları və mina partlayışları nəticəsində sağlamlığını itirmiş şəxslər etiraz aksiyasına dəstək vermək məqsədilə dekabrın 19-da Laçın-Xankəndi yoluna gəliblər.

AZƏRTAC xəbər verir ki, Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarının monitorinqinin keçirilməsinə icazə verilməsini tələb edən azərbaycanlı ekoloqların, qeyri-hökumət təşkilatlarının nümayəndələrinin və fəalların Laçın-Xankəndi yolunda keçirdikləri etiraz aksiyası artıq səkkiz gündür davam edir.

Qeyd edək ki, işğal dövründə bir milyondan çox mina Ermənistan tərəfindən Azərbaycan torpaqlarında basdırılıb. Bu, təbiətə, insanlığa qarşı görünməmiş vəhşilikdir. Ekoloji terror olan mina problemi hələ də davam edir. Postmüharibə dövründə də Ermənistan minalama siyasətini dayandırmayıb.