Eşitmə qüsurlu əlillər arasında futzal üzrə “Yaz turniri” davam edir
Bakı, 2 may, AZƏRTAC
AFFA-nın, Sahə Futbol Federasiyaları İctimai Birliyinin və “Bakcell” şirkətinin dəstəyi, Əlillər Futbolu Federasiyasının təşkilatçılığı ilə mayın 2-də eşitmə qüsurlu əlillər arasında futzal üzrə “Yaz turniri”nin ikinci turunun oyunları keçirilib.
AZƏRTAC AFFA-ya istinadla xəbər verir ki, Azərbaycan Texniki Universitetinin idman kompleksində keçirilən ikinci turda “Zirvə”-“Bakı” oyunu 1:1 hesablı heç-heçə ilə yekunlaşıb. Digər oyunlarda isə “Azəri” komandası “Şimşəy”i 4:2, “Zirvə” “Ümid”i 18:2, “Şimşək” “Bakı”nı 11:7 hesabı ilə məğlub edib.
Bölmənin digər xəbərləri
