Əşrəf Heybətov: Azərbaycan rəssamı kimi mənim missiyam mədəniyyətimizi təbliğ etməkdir VİDEO
Berlin, 6 mart, AZƏRTAC
Azərbaycan rəssamı kimi mənim missiyam mədəniyyətimizi təbliğ etməkdir. Bu, mənim bir rəssam və vətəndaş kimi borcumdur.
AZƏRTAC xəbər verir ki, bunu Azərbaycanın Xalq rəssamı Əşrəf Heybətov 75 illik yubileyi münasibətilə Berlində təşkil olunan “Doğma Vətənin rəngləri” adlı sərginin açılışında jurnalistlərə müsahibəsində deyib.
Xalq rəssamı sərginin təşkilinə görə Azərbaycanın Almaniyadakı səfirliyinə minnətdarlığını ifadə edərək bildirib: “Bu möhtəşəm zalda 40-a yaxın əsərim nümayiş etdirilir. Əsərlərim arasında Qarabağ mənzərələri xüsusi yer tutur. Diasporla İş üzrə Dövlət Komitəsi tərəfindən çap olunan “Qarabağa gedən 44 gün” adlı albomda Qarabağ mövzusunda 44 əsərim yer alıb. Həmin əsərlərdən biri bugünkü sərgidə nümayiş olunur”.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
