Estoniya uçuşlara qoyulan məhdudiyyətlərin müddətini avqust ayının sonunadək uzadıb
Tallinn, 30 iyul, AZƏRTAC
Estoniya hökuməti koronavirus infeksiyasına yoluxma riski yüksək olan ölkələrə aviareyslərin açılmasına qoyulan məhdudiyyətlərin müddətini avqust ayının sonunadək uzadıb.
AZƏRTAC ölkə mətbuatına istinadla xəbər verir ki, bu addım son həftələrdə bir neçə ölkədə koronavirusa yeni yoluxma hallarının qeydə alınması ilə əlaqədardır.
Estoniyanın İqtisadi İşlər və Rabitə Nazirliyi COVID-19 virusuna yoluxma səviyyəsinə əsaslanaraq ölkələrlə bağlı icazə və qadağaları tətbiq edir. Həmin ölkələrdə virusa yoluxanların sayı son iki həftə ərzində hər 100 min nəfərə 25 yoluxma halını aşmamalıdır.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
