Estoniyada koronavirusa yoluxanların sayı 1207 nəfərə çatıb
Tallinn, 10 aprel, AZƏRTAC
Son sutka ərzində Estoniyada koronavirusa (COVID-19) yoluxanların sayı 23 nəfər artaraq 1207-ə çatıb.
AZƏRTAC xəbər verir ki, bu barədə Estoniya Səhiyyə Departamenti məlumat yayıb.
Bildirilib ki, epidemiyanın yayıldığı tarixdən bəri ölkədə 26 min 416 nəfər müayinə olunub.
Son bir sutkada COVID-19 virusuna görə 1609 nəfərdən analiz götürülüb, onlardan 23-nün nəticəsi müsbət çıxıb. Virusa yoluxma hallarının artacağı istisna olunmur.
Qeyd edək ki, ölkədə bu günə qədər koronavirusdan 24 ölüm hadisəsi qeydə alınıb.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
