ESTONİYADA MİLLİ-MƏDƏNİ CƏMİYYƏTLƏR ÜÇÜN PORTAL YARADILMIŞDIR
Bakı, 26 may (AZƏRTAC). Estoniya Mədəniyyət Nazirliyi yanında Milli Azlıqlar Şurasının iclasında milli-mədəni cəmiyyətlər üçün “Etnoweb” saytının yaradılması barədə qərar qəbul edilmişdir.
Layihənin müəllifləri bildirmişlər ki, saytda hər cəmiyyət informasiyalarını öz səhifəsində yerləşdirəcəkdir. Cəmiyyətlərin əksəriyyətinin öz ev səhifəsi vardır. Onlar eston, rus və ingilis dillərində olacaq portalın serverinə keçə bilərlər. Bu, Avropada və digər qitələrdə müxtəlif təşkilatlarla əməkdaşlıq etməyə imkan verəcəkdir.
Qeyd edək ki, Estoniyadakı Azərbaycan diasporu bu ölkənin iqtisadi və ictimai həyatında fəal iştirak edir.
Zeynal Ağazadə
AZƏRTAC-ın xüsusi müxbiri
Tallinn
Bölmənin digər xəbərləri
