FƏLƏSTİNİN FƏTH VƏ HƏMAS HƏRƏKATLARI RAZILIĞA GƏLMİŞLƏR

20.10.2006 [20:10]
Çap et
A⁺ A^-

AZƏRTAC-ın İTAR-TASS-dan aldığı xəbərə görə, FƏTH və HƏMAS hərəkatları oktyabrın 20-də Fələstin Muxtariyyətində daxili siyasi vəziyyəti sabitləşdirmək məqsədi ilə zorakılığın dayandırılması haqqında razılığa gəlmişlər. Fələstinin bu iki aparıcı hərəkatı Qəzzədə xüsusi görüş keçirmişdir.

Bu, FƏTH və HƏMAS liderlərinin son bir neçə həftə ərzində ilk görüşüdür. Yanvarda parlament seçkilərində islamçıların qələbəsindən sonra ən ciddi böhranı HƏMAS-ın İsraili tanımaq istəməməsi doğurmuşdu, halbuki Qərb və Fələstin Muxtariyyətinin lideri Mahmud Abbas bu məsələdə israrlı idilər. Nəticədə artıq reallaşmaqda olan vahid milli Fələstin hökumətinin yaradılmasına dair danışıqlar düyünə düşmüşdü. İqtisadi vəziyyətin də ağırlaşdırdığı böhran FƏTH və HƏMAS hərəkatlarının nümayəndələri arasında açıq toqquşmaya gətirib çıxarmış, 19 nəfər zorakılığın qurbanı olmuşdu. İş o yerə çatmışdı ki, M.Abbas HƏMAS hökumətini buraxacağı və vəziyyətdən yeganə çıxış yolu kimi referendum keçirəcəyi ilə hədələmişdi.

FƏLƏSTİNİN FƏTH VƏ HƏMAS HƏRƏKATLARI RAZILIĞA GƏLMİŞLƏR

MÜƏLLİFLƏ ƏLAQƏ

Bölmənin digər xəbərləri