Fernandinyo milli komandada yer almaqdan imtina edib
Bakı, 24 dekabr, AZƏRTAC
İngiltərənin “Mançester Siti” futbol klubunun yarımmüdafiəçisi Fernandinyo Rusiyada keçirilən futbol üzrə XXI dünya çempionatından sonra ailəsinə olunan təhdidlər səbəbindən Braziliya milli komandasından imtina edib.
AZƏRTAC xarici KİV-lərə istinadla xəbər verir ki, bunu milli komandanın baş məşqçisi Tite mətbuata açıqlamasında bildirib.
Xatırladaq ki, Fernandinyo dünya çempionatının dörddəbir finalında Belçikaya qarşı oyunda avtoqol vuraraq komandasının məğlub olmasına zəmin yaradıb.
Tite onu da bildirib ki, yarımmüdafiəçinin fikrinin dəyişməsinə ümid edir və ona kömək etməyə daim hazır olduğunu vurğulayıb.
Bölmənin digər xəbərləri
