Fici təmsilçisi: Azərbaycan hökuməti öz strateji yanaşması ilə çox ağıllı siyasət yürüdür
Bakı, 20 may, AZƏRTAC
"Ağıllı şəhər" və "ağıllı kənd" layihələrində Azərbaycan hökuməti öz strateji yanaşması ilə çox "ağıllı" siyasət yürüdür: insanların yenidən ayağa qalxmasını, öz tarixi torpaqlarına qayıtmasını təmin edir və onlar üçün müasir, smart evlər tikir.
Bu fikirləri AZƏRTAC-a açıqlamasında Ümumdünya Şəhərsalma Forumunun 13-cü sessiyasında (WUF13) iştirak edən Ficinin Milli Gənclər Şurasının sədri Yoane Navaykula deyib.
O bildirib ki, “ağıllı kənd” konsepsiyası çərçivəsində icma inkişafı, məşğulluq və xidmətlərin mərkəzsizləşdirilməsi əsasında formalaşdırılan müasir infrastruktur sakinlərin bütün əsas ehtiyaclarını yerində qarşılamağa imkan verir.
"Üstəlik, rəsmi strukturların bu prosesdə inklüzivliyi necə yüksək səviyyədə təmin etdiyi heyranlıq doğurur. Burada icmanın inkişafı, insanların potensialının gücləndirilməsi, yeni iş yerlərinin yaradılması diqqət mərkəzində saxlanılıb. Kənd daxilində uşaq bağçasından tutmuş bank filialına qədər hər növ infrastruktur qurulub. Sakinlərin təminat üçün yenidən şəhərə getməsinə ehtiyac qalmır, bütün xidmətlər əlçatandır. "Ağıllı kənd" fəlsəfəsinin əsl mahiyyəti də məhz budur. Gördüklərimiz son dərəcə heyrətamiz və təsirlidir", - deyə Fici təmsilçisi əlavə edib.
Bölmənin digər xəbərləri
