FİFA KRİŞTİANU RONALDONU 2008-Cİ İLİN ƏN YAXŞI FUTBOLÇUSU ELAN ETMİŞDİR
Bakı,13 yanvar (AZƏRTAC). FİFA Portuqaliya yığmasının və “Mançester Yunayted” komandasının yarımmüdafiəçisi Kriştianu Ronaldonu 2008-ci ilin ən yaxşı futbolçusu elan etmişdir. 23 yaşlı portuqaliyalı məşqçilər və kapitanlar arasında keçirilən sorğuda argentinalı Lionel Messini, ispanlar Torresi və Xavini, habelə braziliyalı Kakanı geridə qoymuşdur. Rəyi soruşulanların 24 nəfəri bitərəf qalmaqla, 136 nəfər Ronaldonun lehinə, 77-si əleyhinə səs vermişdir.
Xatırladaq ki, Ronaldo dekabrın əvvəllərində daha bir nüfuzlu “Qızıl top” mükafatına layiq görülmüşdü.
Bölmənin digər xəbərləri
