FIFA Qətərdə keçiriləcək dünya çempionatından 7 milyard dollar gəlir gözləyir
Bakı, 31 mart, AZƏRTAC
Beynəlxalq Futbol Federasiyası (FIFA) 2022-ci ildə keçiriləcək dünya çempionatına ev sahibliyindən rekord məbləğdə - 7 milyard dollar gəlir əldə edəcək.
AZƏRTAC xəbər verir ki, bunu FIFA-nın konqresində qurumun prezidenti Canni İnfantino deyib. Qeyd edilib ki, koronavirus pandemiyasına baxmayaraq, tamaşaçıların daha çox televizora baxması və digər yeni platformalardan istifadə etməsi ilə yanaşı, TV, sponsorluq və marketinq gəlirləri vasitəsilə bu sahədə gəlirlərin artımı gözlənilir. FIFA öz hesabatlarında dekabrın 18-də keçiriləcək dünya çempionatının finalında yayım hüquqlarının yeni rekorda imza atacağını gözlədiyini də bildirib.
Qətərdə dünya çempionatı noyabrın 21-dən dekabrın 18-dək keçiriləcək.
Bölmənin digər xəbərləri
