Filippin iqlim dəyişmələrinin təsirlərinə qarşı ən həssas ölkələrdən biridir
Bakı, 22 noyabr, AZƏRTAC
Hər il Filippində orta hesabla 20 tayfun baş verir. Bu rəqəm say etibarilə həqiqətən çoxdur. Bu təbiət hadisələri kənd təsərrüfatına, şəxsi əmlaka ciddi ziyan vurur, insanların həlak olması ilə nəticələnir.
Bunu Filippin parlamentinin nümayəndəsi Rommel Reyes AZƏRTAC-a açıqlamasında deyib.
O, Filippinin iqlim dəyişmələrinin təsirlərinə qarşı ən həssas ölkələrdən biri olduğunu vurğulayaraq deyib: “İtki və Zərərlərə Cavab Fondunun İdarə Heyəti Filippini ev sahibi ölkə seçib. İdarə Heyətinin ilk iclasına bu ilin dekabrında ev sahibliyi edəcəyik və ümidvarıq, bu, Filippinə yaşadığımız zərərlərə görə yardım almaqda üstünlük qazandıracaq”.
R.Reyes bildirib ki, Azərbaycan COP29 kimi mötəbər tədbiri yüksək səviyyədə təşkil edib.
Bölmənin digər xəbərləri
