Finlandiya öz ərazisində NATO-nun yeni bölmələrinin dislokasiyasına çalışır
Stokholm, 24 noyabr, Nərgiz Cəfərli, AZƏRTAC
Finlandiya öz ərazisində NATO-nun yeni komandanlıq və idarəetmə sistemləri bölməsinin dislokasiyasına çalışır.
AZƏRTAC xəbər verir ki, Finlandiyanın müdafiə naziri Antti Hyakkyanenin sözlərinə görə, bu, Alyansın Finlandiyanı və NATO-nun şimal bölgəsini müdafiə etmək qabiliyyətini gücləndirəcək.
Nazir onu da qeyd edib ki, Finlandiya bu təşəbbüsü irəli aparmaq üçün fəal şəkildə çalışıb.
Fevral ayında keçiriləcək NATO müdafiə nazirlərinin iclasında yekun qərarın qəbul edilməsi gözlənilir. Bölməyə Finlandiyada və zərurət yarandıqda, bütün NATO ərazisində Alyansın qoşunlarını və onun rəhbərliyini dəstəkləmək üçün informasiya sistemlərinin hazırlanması tapşırılacaq. Bölmədə təxminən əlli nəfər hərbi qulluqçu xidmət edəcək.
Bölmənin digər xəbərləri
